بعد يوم 6 أبريل, أنا متفائل بالأيام الجاية
فية شوية تعليقات عاوز أقولها:
أولآ واحد من إياهم يقولك الإضراب فشل والناس راحت شغلها عادى, طبعاً إحنا أصلنا هبل وعميان
والتانى يقولك ده الناس منزلتش عشان العواصف الخماسينيه اللى إحنا واخدين عليها وبنروح وبنيجى كل سنه وكل موسم, ده يبقى إسمه تخلف
آخر حاجه فى رأيى إن اللى انكشف ونزل من نظر المحترمين موقف الإخوان, الموقف الساذج إللى فى رأيى إنه موقف خسيس ويدل على الرغبة فى مصلحة الجماعة فقط ومش مصلحة مصر
وحسبيى الله ونعم الوكيل
وبصراحه تامه أنا إبتديت أحس أن فيه أمل وإنى لازم أبطل سلبيه وجبن وادور على حقى وحق ولادى بالقانون اللى ضنايا العادلى بيخوفنا بية, وفاكرها عزبة أبوه ولا دكانه هيرش ميه أدامها عشان العيال تلعب بعيد لاحسن يكسروله الفاترينه
لأ وألف لأ, بالقانون بأه العيال حرة, تلعب فى أى حته يا مش حبيب ولا عدلى
ولو البلد دى فيها قانون كنت تكون أول احد نزيتلو الخابور
بيان الداخلية المستفذ هوة إللى حسسنى أد إية المهانه اللى بيعملونا بيها
2 comments:
هيييييييييييييه
عندنا ضحية واحدة ... عندنا ضحية واحدة...
ابو علي قرر يا جدعان يبطل سلبية وينزل ساحة النزال اما حبيب يا ضنايا العدلي...
إذا دقت طبول المعركة..و اذن المؤذن حي على الفلاح
مادام ابو علي صحي....يبقى الأمل كبير ان شاء الله....
بوست رائع من مواطن مصري اثق في وطنيتي ثقتي في وطنية مصطفى كامل
تحياتي ودعواتي..,والى الأمام يا رومل
واخد بالى إن فيه إستهبال, ضحية مين, شكلي هشيل الليله
أما بالنوسبه لعمو حبيب.. ده أنا كنت باهرج يا أونكل
شرفنى تعليقك
مصطفى كامل
Post a Comment